بين الحيره والحيره مانا محتار بقى
--------------------------------------------------------------------------------
عارفين الشعور ده اكيد
جالكم كام مره فى حياتكم
لما تبقى محتار من حاجة انت واثق فيها وعارفها وواخد قرارك فيها بس محتار
وانت مش عارف ليه محتار بس انت محتار
وبتقعد تفكر كتير وتقول لنفسك كلام يحسسك ان عندك كم غباء شنيع
مهى حاجة انا عارفها وواثق فيها ليه محتار
الله اعلم
كلكم جربتوا الاحساس ده اكيد
فالسؤال اللى كلنا مش عارفين اجابته هو ليه ؟؟؟؟؟
ليه احنا محتارين من حاجة احنا واخدين قرارنا فيها
يمكن عشان ده فكر بيتعدى عقلنا عشان قلبنا
ولا عشان هيتعدى قلبنا عشان عقلنا
ولا يمكن عشان انت انسان طموح وعايز تظبط كيميا الاتنين مع بعض
ولا يمكن مستعجل او عشان طول المشوار محبط عزيمتك
او يمكن مش واثق فى نفسك
انا احترت الصراحة
الحيره دى مشكلة فى حد ذاتها وخصوصا لو حيرتك دى تبقى السبب فى جرح انسان تانى
بناءا على خوفك وحيرتك تتصرف تصرفات بتجرح وانت مش واخد
ممكن بسببه تقسى على احب الناس ليك وتجرحهم وتبقى واثق فى قرارة نفسك انهم لو مستحملوش منك يبقوا مش بيحبوك ولو تعبوا منك يبقوا مش بيحبوك مهو لازم يستحملوك امال بيحبوك ازاى بس الحب مش كدا
فبتنسى خالص ان دول بنى ادمين ليهم طاقة
طيب انا ليه بفكر كدا هو انا انانى ولا طماع ولا ايه
طيب حيرتك دى ليه
متقول اللى فنفسك بصراحة
واعمل اللى فى دماغك بدون خوف او كسوف
مدام انت واثق انك مبتعملش حاجة غلط ليه تشيل فى قلبك
انت لو معتقد ان تفكيرك ده احبابك واصحابك مش حاسين بيه ده فى حد ذاته جرح ليهم
اللى يحبك بيبقى حاسس بيك بتتالم ولا انت كويس مبسوط ولازعلان حيران ولا واخد قرار وبيبقى مستنى منك انك تقوله لانه مهتم بيك اكتر من نفسه فليه تجرحه بسكاتك
الحيره بتجيب خوف وقلق ليك وللى حواليك حاول دايما متبقاش محتار ولو محتار قول اللى محيرك للى انت عايزه ده اريح ليك وليه
وشكرا
