التضحية في الحب ؟؟؟؟

السلام عليكم ورحمة الله وبركاته
ما أهون التعب والكفاح والتضحية والبذل في سبيل من نحب!

وما ألذ رؤية ابتسامة المحبوب، وفرحة قلبه، ورضاءه عن الدنيا، ورغبته في مزيد من الحب!

لكن ..........!!!!!

ايه معنى التضحيه بالنسبالك ؟ ولاى مدى تقدر تضحى ؟ وبأيه ؟ ولمين؟

ياترى التضحية في طبعك فعلا؟.. هل الحب بالنسبة لك عطاء؟..

ياترى بتشوف إن مصلحة من تحب أهم من مصلحتك؟..

وبتحس إن أي حاجة في الدنيا دي تهون، طالما هو مبسوط وسعيد وحاسس بالراحه؟..

ياريت كل واحد فيكم يجاوب نفسه على الاسئله دى

عشان يقدر يعرف لاى مدى يقدر يضحى من اجل حبه

Admin كتب:موضوع شائك وصعب الكلام فية بس حلو

ميرسى لمرورك ومشاركتك يامحمد
بجد نورتنى

ريمو كتب:

السلام عليكم ورحمة الله وبركاته

موضوع جميل اوي يامشمشه بس احب اقوللك حاجه التضحيه موجوده فالحب طبعا بس للشخص اللي يستاهل
الحب والتضحيه

لكن في اشخاص ميستهلوش التضحيه دي لانهم بيعتبروها ضعف وانتي اكتر واحده ضحيتي بس للاسف لناس ميستهلوش التضحيه دي ولا يستاهلوكي اساسا لانهم ولا حاجه وانتي فاهمه قصدي طبعا ياقمر

وبجد لما الانسان بيضحي مبيعتبرهاش تضحيه وانما بيعتبرها احتفاظ بحبه وتمسكه بالشخص ده لانه بيحبه ومش كل اللي قال انا بحب يبقى بيحب بجد لان كل واحد بيقول نفسي نفسي الا اللي بيحب بجد طبعا

وميرسي يامشمشه الموضوع ده تحفه زي باقي مواضيعك

وعليكم السلام ورحمه الله وبركاته
وطبعا فاهمه قصدك وعارفه تقصدى مين وانا ندمت على معرفتى فعلا بالناس دى وندمت اكتر انى ضحيت علشانهم وكمان لانى مسمعتش نصيحتك ونصيحه كل الناس اللى كانوا فاهمين صح بس ادينا بنتعلم
واكيد طبعا التضحيه مش ضعف خالص دى دليل على الحب وانك متمسكه بالشخص دا لابعد الحدود بس فين اللى يستاهل التضحيه المشكله دايما بتكون فى الاختيار الغلط بس ربنا بيستر وبتتلحق
وحقيقى انا شخصيا بعتبر الانسان اللى بيعتبر التضحيه ضعف انسان مريض وعنده نقص فى شخصيته فبيحاول يكمله بمفهومه الغلط لان اكيد بتكون دماغهم مريضه وانانيين ودول المفروض نشفق عليهم ويصعبوا علينا طبعا فهمانى
واكيد الحب الصح لازم تكون فيه تضحيه بس الحب الحقيقى مش حب التسليه او واحد يلاقى واحده صعبه عليه وعايز يوصل لقلبها باى طريق فيخترع ويمثل انه بيحبها وطبعا فى فرق بين الحب وتمثيل الحب اكيد بيجى وقت بيبان وبيتحس
ميرسى ياقمر على مناقشتك الجميله والاجمل من دا كله مرورك ومشاركتك