الموضوع للي حب فقط

الموضوع بجد جميل اوى وفكرته جميله وجديده
وانا عندى الجراءه انى اقول واحكى اول حب حبيته فى حياتى
انا حبيت اول حب كان فى الجامعه وخلص وانا فى الجامعه بردوا وكان من الطرفين وبجد كان حب جميل ومشاعر جميله وبريئه ولا حد بيتسلى بمشاعر حد ولا حد بيضحك على حد مع انى عمرى ماصرحتله بحبى ولا هوا بس كفايه انى كنت بحس بحبه بجد فى تصرفاته وافعاله وهو كمان مش مجرد كلام يتقال وافعال متتنفذش وبجد كان اكتر شخص حبنى فى حياتى كلها ولحد دلوقتى بعرف اخباره ولسه ولا حب ولا ارتبط لانه حب بجد وحقيقى لحد دلوقتى بفتكره بالخير وعمرى ماندمت انى حبيته او عرفته بالعكس انا بتشرف انى حبيت شخص اجبر كل الناس تحبه وبتحترمه الكبير والصغير ومفيش اى حد عرفه واتكلم معاه وقال عنه كلمه وحشه من وراه او من قدامه ولا حد اعترض عليه لانه كان جدير بالاحترام والحاجه الوحيده اللى ندمت عليها انى كنت سبب فى ان الحب دا يضيع وكان ممكن احافظ عليه واتمسك بيه اكتر من كدا بس اكيد كل واحد بياخد نصيبه ومحدش يعرف الخير فين بس كفايه اوى نظره الاحترام المتبادله بينا لو قابلته صدفه فى اى مكان بجد بحترمه وبعزه وليه مكانه فى قلبى استحاله تتغير ابدا وبجد معرفتش قيمته غير لما طلعت برا الموضوع وعرفت ناس وقارنت بينهم وقتها بس عرفت انى كنت غلطانه بس الحمد لله على كل حاجه
رجعتينى ياريمو لخمس سنين فاتوا بالموضوع دا بس حقيقى موضوع روعه
ميرسى ياقمر وانا حكيت حاجه انتى عرفاها ويمكن الكل عارفها وبجد مبتكسفش انى احكيها لانه شخص بجد لازم يتحكى عنه واى حد يتشرف لمجرد انه عرفه بس مش حبه او اتحب منه
اتمنى مكونش طولت عليكى
ومستنيه جديدك

ريمو كتب:

نورتيني بجد يامشمشه ودايما منوراني في مواضيعي

عارفه طبعا يامشمشه القصه وعلى يدي ههههههههههه بجد كان شخص محترم وانا عن نفسي بحترمه جدا جدا وده الشخص الوحيد اللي كان يستاهلك ويستاهل حبك لانه محترم ومؤدب جدا وابن ناس وده اللي كان هيحافظ عليكي بجد وانا كنت اكتر واحده بشجعك في انك تتمسكي بيه بس النصيب باه وياعالم محدش عارف النصيب فين جايز ربنا بيختبركوا علشان كل واحد يقابل الوحش علشان يعرف قيمة الانسان اللي كان معاه والقلوب تتلاقى وبعدين وتكونوا لبعض في الاخر وانا بتمنالك الخير
ومش هنسى اغنية ظلمت قلبه لخالد سليم وهو كان يشبهه بس كان احلى من خالد سليم كمان
بصراحه انا بستخسرك في اي حد الا الشخص ده وكل شئ قسمه ونصيب وربنا يوفقك ياقمر
نورتيني في الموضوع

بجد موضوع تحفه وعجبنى فكرته جدا وحبيت اشارك فيه وحقيقى كل مواضيعك تحفه
وطبعا انا متاكده انك كنتى هتقولى كدا لانك اكتر حد وقفتى معانه
وزى ماقولتى ياريمو محدش عارف نصيبه فين ياقمر
وربنا يوفق الجميع يارب
ميرسى على الموضوع ومستنيه جديدك دايما

اولا اشكرك على الموضوع الجميل دا
وذى ما مشمشه تشجعت وحكت انا كمان هتشجع واقول..
اول مره حبيت كانت من حوالى سنه وشويه وكانت بكل ما تعنيه الكلمه من احساس وطيبه وحنيه يعنى تقدرى تقولى كده كوكتيل جمال مع بعضه حبيتها بجد وغيرتها واتغيرت معايا للاحسن وفضلنا نحب بعض او بمعنى اصح احب انا فيها(لانى اكتشتفت انه حب من طرف واحد)دا اللى اكتشتفته بعد ما بعدنا عن بعض هيا اى نعم الناس كلها كانت تقولى بلاش دى بس انا اتمسكت بيها واتحديت بيها نفسى قبل الناس وعمرى ما حبيت حد قد ما حبيت البنت دى ومش عيب انى اعترف بدا...وتوالت الايام وجه وقت الجد والحمد لله اننا مش دخلنا فى الجد..لانى اكتشفت انى كنت هتعب معاها لانه حب من طرف واحد(مجرد بنت عايزه تتجوز وخلاص)...بس لحد الان
ارسل لها تحياتى واحترامى
لانها عرفت تخلينى اصدق انها بتحبنى
واتمنى لها التوفيق من كل قلبى
واهو الواحد يركز فى شغله احسن والنصيب هيجى هيجى..صح ياريمو؟؟؟(البنات على قفى من يشيل)اسف طولت عليكم
ومستنين اعتراف حب جديد
وموضوع رائع
المحترف